Current News

ရိုဟင်ဂျာအရေးနှင့် နိုင်ငံတော်၏ ဂုဏ်သိက္ခာ

အောင်အောင်(စစ်တွေ)

မြန်မာနိုင်ငံမှာ အာဏာရှင်များ၏ နှိပ်ကွက်မှုမခံရသော နိုင်ငံသား၊ တိုင်းရင်းသားဟူ၍ မရှိပေ။ ၁၉၆၀ ကတည်းက မတရားဖိနှိပ်ခံရသော တိုင်းရင်းသားများအနက် လက်နက်ကိုင်တော်လှန်ကြသူများ၊ တိုင်းပြည်စွန့် ၍ ထွက်ခွါသွားသူများ၊ အမှန်တရားအတွက် စစ်မြေပြင် နှင့် အကျဉ်းစခန်းများတွင် အသက်စတေးခဲ့သူများ လည်း မနည်းလှပေ။ လူတိုင်းမိမိတို့၏ ရပိုင်ခွင့်များကို လိုချင်ကြစမြဲပါ။

ဩစတြေးလျမှ Aborigine များနှင့် မလေးရှားမှ Orang Asli များက မူရင်းတိုင်းရင်းသားများဖြစ်ကြသော်လည်း ယနေ့အုပ်ချုပ်ရေး အာဏာပိုင်အဖွဲ့အ
စည်းတွင် ထိုလူမျိုးများမပါသောကြောင့် သူတို့အား ခိုးဝင်လာသူများဟု မခေါ်နိုင်ပေ။ ထို့ပြင်ကျူးကျော်သူများ အာဏာရလာသဖြင့် မူရင်းဒေသခံများ၏ သ
မိုင်းကို မပျောက်ပျက်နိုင်ပေ။

ရိုဟင်ဂျာလူမျိုးများက ၁၉၆၅ အထိ မြန်မာ့အသံ၏ တိုင်းရင်းသား အစီအစဉ်၌ ပါဝင်ခွင့်ရခဲ့ပြီး ၂၀၁၀ အထိ မဲပေးခွင့်နှင့် လွှတ်တော်အမတ်များအဖြစ် အရွေးခံခွင့်ရှိခဲ့ကြသည်။ ၂၀၁၂မှစ၍ ခိုးဝင်လာသူများဖြစ် ကြောင်း မြန်မာအာဏာပိုင်များ နှင့် မီဒီယာအားလုံးက တညီတညွတ်တည်း ကြွေးကြော်လာခဲ့ခြင်းမှာ အံ့ဩစ ရာပင်။ ၂၀၁၄တွင် တစ်နိုင်ငံလုံးအတိုင်းအတာဖြင့် သန်းခေါင်စာရင်းကောက်ခဲ့ရာ ရိုဟင်ဂျာတစ်သန်းကျော်အား လူမျိုးနေရာတွင် ရိုဟင်ဂျာမရေးနိုင်သည့်အတွက် စာရင်းမသွင်းဘဲ ချန်လှပ်ထားခဲ့သည်။ လူ၄၀-၅၀က ရိုဟင် ဂျာမရှိကြောင်း ဆန္ဒဖော်ထုတ်ခြင်း နှင့် လူတစ်သန်းကျော်က ကျွန်တော်တို့ ရိုဟင်ဂျာလူမျိုးပါဟု ကမ္ဘာသိအောင်ပြောခြင်း၌ မည်သူ၏ ကြွေးကြော်မှု အရှိတရား အမှန်တရားဖြစ်နိုင်ပါသနည်း။

ရိုဟင်ဂျာအရေးသည် မြန်မာနိုင်ငံရှိ ပြသနာပေါင်းများစွာအနက် အရေးအပါဆုံးဖြစ်နေရုံမက နိုင်ငံတကာ အရေးပင်ဖြစ်လာသည်မှာ Boat People Crisis နှင့် Genocide အမှုက သက်သေထူခဲ့ပြီ။ ဤပြသနာကို ဖြေရှင်းရန် UNအပါအဝင် နိုင်ငံတကာ အဖွဲ့အစည်းများကလည်း အစွမ်းကုန် ကြိုးစားနေကြပြီ။ မကြာသေးခင် ကျွန်တော် ရန်ကုန်အခြေစိုက် ရိုဟင်ဂျာနိုင်ငံရေးခေါင်းဆောင်တစ်ဦးနှင့် ဆွေးနွေးရာတွင် သူက မယဉ်ကျေး သော လူ့အဖွဲ့အစည်းပမာ “ရိုဟင်ဂျာမြန်မာနိုင်ငံတွင်မရှိ၊ ဘင်္ဂလီများသည် ခိုးဝင်လာသူများဖြစ်သည်” ဟူသော လူမျိုးတုံးသတ်ဖြတ်မှုအစီအစဉ်ကို ရပ်ပြီး ယဉ်ကျေးသည့် လူ့အဖွဲ့အစည်းကို ဦးဆောင်သူများပီပီ ဆောင်ရွက်မှသာ ဤပြသနာကို ဖြေရှင်းနိုင်မည်ဖြစ်ကြောင်း အောက်ပါအချက်များကို နိုင်ငံတော်အကြီးအကဲများက တရား ဝင်လက်ခံနိုင်ပါက သူတို့ပါတီအနေဖြင့် အပြန်အလှန်ကတိကဝတ်များပြုရန် အသင့်ရှိပါကြောင်း ပြောခဲ့သည်။ သူက—

၁။ နိုင်ငံတကာမှ ကျွမ်းကျင်သူ ပညာရှင်များပါဝင်သည့် စုံစမ်းစစ်ဆေးရေး ကော်မရှင်တစ်ခုဖွဲ့၍ ရခိုင် နှင့် ရိုဟင်ဂျာသမိုင်းကို ဖော်ထုတ်ခြင်း၊ ထိုလူမျိုးနှစ်မျိုးစလုံးကို စစ်ဆေး၍ ခိုးဝင်လာသူများ၏ စာရင်းကို လူသိ ရှင်ကြား ထုတ်ပြန်၍ အရေးယူခြင်း နှင့် နစ်နာသူများ၏ မူလရပိုင်ခွင့်များကို အပြည့်အဝပြန်လည်ပေးအပ်ခြင်း။

၂။ ရိုဟင်ဂျာများအနက် ခိုးဝင်လာသူတစ်ဦးရှိကြောင်း သက်သေပြနိုင်လျှင် ရိုဟင်ဂျာအားလုံးကို ခိုးဝင် စာရင်းထည့်၍ ပြည်နှင်ဒဏ်ပေးနိုင်ကြောင်း။

၃။ ရခိုင်များအနက် ခိုးဝင်လာသူအနည်းဆုံး တစ်သိန်းရှိကြောင်း သက်သေပြနိုင်မှသာ ရခိုင်တို့က ရိုဟင်ဂျာအပေါ် နှိပ်စက်ခဲ့မှုအတွက် အရေးယူ
နိုင်ကြောင်း။

အထက်ပါအချက် (၃)ချက်အပေါ်အခြေခံ၍ နိုင်ငံတော်အကျိုးအတွက် စေတနာဖြူစင်စွာ ဆောင်ရွက် လိုသော နိုင်ငံတော်အကြီးအကဲဟူသမျှ နှင့် တွေ့ဆုံဆွေးနွေး၍ ကတိကဝတ်များဖြင့် ရိုဟင်ဂျာအရေးကို ဖြေရှင်းရန် အသင့်ရှိသည်ဟု ပြောခဲ့သည်။

ခိုးဝင်ရခိုင်ဘင်္ဂလီများ နှင့် အာဏာရှင်အုပ်စုက လက်နက်အားကိုး၊ ပြည်သူ့ထံမှ ခိုးထားသော ဓနအား ကိုးဖြင့် “လူမိုက်လူရိုင်းများဆန်ဆန် ရိုဟင်ဂျာမရှိပါ၊ ရိုဟင်ဂျာသည် နိုင်ငံတော် လုံခြုံရေးအတွက် အန္တရာယ်ရှိ သည်”ဟု လိမ်လည်လှည့်စား၍ Genocideအမှုကို ဆက်လက်လုပ်ဆောင်ခြင်းဖြင့် ကမ္ဘာ့အလယ်တွင် နိုင်ငံတော်၏ ဂုဏ်သိက္ခာကျဆင်းစေရုံမက တိုးတက်ဖွံ့ဖြိုးမှုအတွက်လည်း ကြီးမားသော အဟန့်အတားတစ်ခုဖြစ်နေကြောင်း မီဒီယာများအနေဖြင့်လည်း ပုဂ္ဂိုလ်စွဲ အမျိုးဘာသာ သာသနာစွဲထက် လူ့ကျင့်ဝတ်မီဒီယာကျင့်ဝတ်နှင့်အညီ အရှိတရား အမှန်တရားကိုသာ နှစ်ဘက်လူ့အဖွဲ့အစည်း၏ အခြေအနေမှန်ပေါ် အခြေခံ၍ သုံးသပ်တင်ပြရမည်ဖြစ်ကြောင်း ဆင်ခြင်သုံးသပ်ဝေဖန်နိုင်ရန် တင်ပြလိုက်ပါသည်။